156               TESTAMENTS ENREGISTRÉS AU PARLEMENT DE PARIS            (396)
Item, il laissa à messire Jehan de la Sale, son chappellain et servi­teur à Arraz, une autre chappe avec le chapperon, à prenre après ses chappellains dessus nommez, et quatre cens de griz commun pour la fourrer.
Item, il laissa à maistre Robert le Roy, son scelleur d'Arraz, une pile [de gobeletz d'argent en une esguière que l'en a acoustumé de porter communement avec lui, ou, se elle n'estoit trouvée, une autre suffisante de la valeur de xl escuz, et une toille de Reins de quarante escuz ou environ.
Item, il laissa à Pierre de Saint Pol, son prevost de cité d'Arraz, un gobelet d'argent doré couvert, avec l'aiguiere d'argent doré, pesant tout ensemble quatre marcs ou environ, ou autre vaisselle d'argent à la value; et se l'en ne les treuve en ses biens, ii volt et ordonna que l'en les acheté pour lui.
Item, il laissa au dit messire Jehan de la Sale.et à ses autres famil-liers, demourans en son dit hostel episcopal d'Arraz, quarante escuz, à distribuer par le dit maistre Jehan le Bouchier selon leurs estaz.
Item, il laissa à son receveur de l'eveschié un gobelet et une aiguière d'argent doré de trois marcs, ou, se ilz n'y sont, autre vaisselle à la value.
Item, à messire Nicaise Buridan et à Jehan du Ploich, à chascun d'eulx vint escuz.
Item, il laissa aux familliers des diz maistre Jehan le Bouchier, of­ficial, seelleur et prevost de cité, quarante escuz, à distribuer par le dit abbe* de Saint Vaast.                                          *
Item, il laissa à Marguerite, sa fillole, fille de Claux Barbesan de Bruges, une sainture d'un texu de soye vermeille, à clox, boucle et mordant d'or.
Item, il laissa à ses cousines, les damoiselles Doge, de la Serloe el de Brissou. à chascune cent livres Tournois, qui seront baillées par parties aus dictes damoiselles pour leurs necessitez par les diz abbé et Guiot selon leurs discrecions, auquel abbé les diz deniers seront bailliez.